Dynamic Dunescapes

[Ar-lein] Rhwydweithio a chyfnewid gwybodaeth – Gweithdy Hygyrchedd i lefydd arfordirol i bobl sy'n byw gyda Dementia

Yn cael ei gynnal gan dîm Twyni Deinamig Cymru a Chysylltiadau Gwyrdd Pen-y-bont ar Ogwr, nod y gweithdy ar-lein hwn yw codi ymwybyddiaeth o hygyrchedd llefydd arfordirol i bobl sy'n byw gyda Dementia. Gan hwyluso cyfnewid gwybodaeth a rhwydweithio rhwng staff o wahanol sectorau a sefydliadau bydd y gweithdy hwn yn cynnwys cymysgedd o sgyrsiau, sesiynau grŵp ac amser ar gyfer Holi ac Ateb.

Nod y gweithdy hwn yw dechrau codi ymwybyddiaeth a chyfnewid gwybodaeth, felly rydym yn gobeithio y bydd staff o sawl sector yn ymuno â ni a hoffem wahodd pobl i ddod a rhannu eu profiadau a'u syniadau eu hunain yn ystod hanner olaf y sesiwn.

Bydd y sgyrsiau cychwynnol yn canolbwyntio ar themâu gan arbenigwyr mewn gofal, cynhwysiant cymdeithasol a manteision byd natur i iechyd gan gynnwys y canlynol:

• Codi ymwybyddiaeth o Ddementia
• Pam mae mynediad at natur yn bwysig i bobl sy'n byw gyda dementia a sut i hyrwyddo hygyrchedd

Wedyn bydd astudiaethau achos gan staff sy’n gweithio ym maes ymgysylltu â digwyddiadau arfordirol, rheoli safleoedd a gofal a chefnogaeth:

• Hygyrchedd mewn digwyddiadau – archwiliadau safle a theithiau cerdded cyfeillgar i ddementia ar yr arfordir ac mewn twyni tywod
• Rhwydweithiau ac astudiaethau achos

Mae’r sesiwn yn agored i unrhyw un sy’n gweithio yn y sector rheoli tir arfordirol, cynllunio digwyddiadau neu’r sector gofal a chymorth. Os ydych chi’n dod o; timau cadwraeth, ceidwaid gwyrdd, eNGO, CIC, sefydliadau’r llywodraeth, ymgynghoriaeth, sefydliad cynghorwyr gofal, sefydliad darparu gofal, rhwydwaith gofalwyr neu rywle arall mae’r digwyddiad hwn yn agored i bawb

I gael rhagor o wybodaeth neu os oes gennych chi unrhyw gwestiynau, cysylltwch â Hannah (Swyddog Ymgysylltu â Phobl Twyni Deinamig [Cymru]) Hannah.Lee@plantlife.org.uk